Institutet kryesore ekonomike gjermane thanë të mërkurën se ekonomia gjermane mund të rritet me 0.3% këtë vit, duke shmangur një recesion që ata e parashikuan vjeshtën e kaluar.
Megjithatë ato thanë se inflacioni do të ulet vetëm pak në 6% nga 6.9% sa ishte në total në vitin 2022.
Parashikimet janë më shpresëdhënëse sesa ato të dhëna nga vetë qeveria gjermane, e cila kohët e fundit parashikoi se do të ketë rritje 0.2%, pasiparashikoi gjithashtu një recesion pas një rritjeje të kostove të energjisë dhe ushqimit në vazhdën e pushtimit rus të Ukrainës në fillim të vitit 2022.
Katër institutet që kontribuojnë në parashikim janë instituti Ifo, Instituti Kiel për Ekonominë Botërore, Instituti Halle për Kërkime Ekonomike dhe Instituti RWI Leibniz për Kërkime Ekonomike./UBTNews/