Prokuroria Speciale ka ndaluar dy persona nën dyshimin për keqpërdorim të detyrës zyrtare gjatë zgjedhjeve dhe dhënie apo marrje të ryshfetit në lidhje me votimin.
Prokuroria ka njoftuar se gjatë ditës së sotme do të parashtrojë kërkesë për caktimin e masës së paraburgimit ndaj A.K dhe S.M.
“Prokuroria Speciale e Republikës së Kosovës njofton opinionin se gjatë ditës së djeshme (09 mars 2021), ka ndaluar dy persona me inicialet A.K dhe S.M, për shkak të dyshimit se të njëjtit kanë kryer veprat penale “Keqpërdorimi i detyrës zyrtare gjatë zgjedhjeve”, nga neni 211 dhe “Dhënia apo marrja e ryshfetit në lidhje me votimin” nga neni 212 të KPRK-së. Po ashtu, Prokurori i shtetit gjatë ditës së sotme do të parashtroj kërkesë për caktimin e masës së paraburgimit për dy personat e lartcekur për shkak të dyshimit se të njëjtit kanë kryer veprat si më lartë”, ka njoftuar prokuroria./UBTNews