Edhe dy të dyshuar janë arrestuar pas të shtënave gjatë Paradës së Krenarisë së komunitetit LGBTQ në Oslo.
Policia norvegjeze konfirmoi të hënën se edhe dy të dyshuar – të dy nga Oslo – u ndaluan. Ata po akuzohen për bashkëpunim në një akt terrorizmi.
Dy persona janë vrarë dhe mbi 20 të tjerë janë lënduar si pasojë e të shtënave më 25 qershor në kryeqytetin norvegjez.
Në total katër persona janë arrestuar, përfshirë edhe i dyshuari i armatosur – një 43-vjeçar shtetas norvegjez me prejardhje iraniane.
Dy të dyshuarit e fundit – një burrë rreth të 40-ave me nënshtetësi somaleze dhe një shtetas norvegjez rreth të 30-tave – u arrestuan të dielën. Ata ishin të njohur për autoritetet./UBTNews/