Në Filipine janë shfaqur dy raste të variantit indian të COVID-19, i njohur si B.1.617. Sipas njoftimit zyrtar nga Departamenti i Shëndetësisë, këto janë raste asimptomatike pa histori të udhëtimit në Indi, megjithëkëtë ata u kthyen nga Omani dhe Emiratet e Bashkuara Arabe.
Sipas njoftimit, ata rezultuan pozitiv me COVID-19 në muajin prill. Të infektuarit janë në karantinë, kurse pasagjerët me të cilët ata ndanë aeroplanin e njëjtë po mbikëqyren.
Vendi ka kufizuar hyrjet për personat që kanë udhëtuar nga India, Nepali, Bangladeshi, Pakistani dhe Shri Lanka në 14 ditët e fundit. Kjo ndalesë vlen deri më 14 maj./UBTNews