CIA vlerëson se gjashtë muajt e ardhshëm do të jenë “absolutisht vendimtar” në përcaktimin e rezultatit përfundimtar të luftës në Ukrainë, tha të enjten drejtori i agjencisë, Bill Burns.
“Unë mendoj se cili do të jetë çelësi – sepse ne nuk vlerësojmë se (presidenti rus, Vladimir Putin) është serioz në lidhje me negociatat – çelësi do të jetë në fushën e betejës në gjashtë muajt e ardhshëm, na duket ne”, tha Burns në Universitetin Georgetown.
Burns tha se ai i tha një prej homologëve të tij rus, Sergey Naryshkin, gjatë muajit nëntor se llogaritjet e Rusisë janë po aq të gabuara sa vendimi për të nisur luftën më 24 shkurt të vitit të kaluar./UBTNews/