Katari ka dënuar bombardimet izraelite ndaj Komitetit të Rindërtimit të Gazës. Katari vlerëson se kjo është “shkelje e rëndë e ligjit ndërkombëtar.
Ministria e Jashtme konsideron se granatimi i organizatës që ndodhet në Gaza është “shtrirje e politikës së Izraelit për të synuar njerëzit, veçanërisht pasi ky komitet punon për të lehtësuar gjendjen e popullatës së Gazës, e cila ka vuajtur nga rrethimi i gjatë dhe agresioni i vazhdueshëm”.
Ministria kërkoi gjithashtu që Izraeli t’i japë fund justifikimeve të rreme dhe përhapjes së dezinformatave për të shënjestruar civilët dhe instalimet civile./UBTNews/