Në një aksion të përbashkët të Byrosë për Siguri Publike dhe Doganës, janë kapur sasi të drogës në pikën kufitare të “Bogorodicës” në Maqedoninë e Veriut. Operacioni, i cili ka filluar mbrëmë, ka pasur fokus kamionët me targa të Maqedonisë, të cilët ishin ngarkuar me mbeturina të letrës për riciklim.
Sipas informacionëve jozyrtare, ngarkesa kishte hyrë në Maqedoni nga Kosova dhe duhej të udhëtonte përmes Greqisë për të arritur në destinacionin final – Turqinë. Pas kontrollimeve të detajuara, autoritetet zbuluan drogën e fshehur brenda ngarkesës.
Ky operacion është pjesë e përpjekjeve të vazhdueshme për luftimin e trafikimit të drogës dhe garantimin e sigurisë në rajon./UBTNews/
