Melinda French Gates nuk e sheh divorcin e saj nga Bill Gates-i si lëvizje të gabuar. Themeluesja e Pivotal Ventures ka reaguar ndaj deklaratës së ish-bashkëshortit të saj i cili është shprehur se divorci nga Melinda ka qenë një gabim.
Filantropistja e cila ndan fëmijët Jennifer Gates Nassar , 28, Rory Gates , 25 dhe Phoebe Gates , 22, me bashkëthemeluesin e Microsoft-it, shtoi se shkëputja e martesës së saj ishte një nga gjërat më të vështira, por më të rëndësishme që ajo ka bërë në jetë.
Reagimi i Melinda-s vjen pasi Bill pranoi se përfundimi i martesës së tij 27-vjeçare në 2021 është “në krye të listës” së gabimeve më të mëdha në jetën e tij.
“Ka të tjera, por asnjë nuk ka rëndësi,” tha ai për The Times në një intervistë të botuar më 25 janar. “Divorci ishte i mjerueshëm për mua dhe Melindën për të paktën dy vjet”.