17 mars 1993
Lajmet kryesore:
Kryetari Rugova priti Xheremi Stounin;
Arsimi shqip ndërmjet realitetit dhe ardhmërisë;
Në Budapest u miratua një rezolutë për Kosovën;
Në Tiranë u mbajt një tubim komemorativ kushtuar Berit Bekerit;
Shkodra pret Papa Gjon Palin II;
Intensifikohet fushata kundër kryetarit të Republikës së Kosovës;
Sekretari i degës së LDK-së së Gjilanit në “bisedë informative”;
Edhe një anëtar i Kryesisë së Degës së LDK-së në Shtime u ftua në “bisedë informative”;
U thye depoja e fabrikës së municionit në Skënderaj;
“Die Velt”: CIA paralajmëron fundin e Jelcinit;
Në Prishtinë bandat e organizuara serbe provokojnë shqiptarët;
Ish-polici nga Peja u nxor me dhunë nga banesa;
“Trepça” vjet paskësh punuar me afarizëm pozitiv!;
U zu një grup shitës të drogës.
17 mars 1994
Lajmet kryesore:
Kryetari Rugova ia dorëzoi dekoratën e kryetarit Berisha motrës së Xheladin Hanës;
Në PEN Qendrën Daneze u bisedua për Kosovën;
Takim i disa përfaqësuesve të shqiptarëve me kongresistin amerikan Serrano;
Në Prishtinë u promovua revista “Kosova” në gjuhën angleze;
Në Lugano të Zvicrës filloi simpoziumi ndërkombëtar për aktorin Aleksandër Moisiu;
“Le courrier: Kosova mbetet një vatër krize e cila mund të shpërthejë në çdo kohë;
U mor me dhunë edhe objekti i SHLP “Bajram Curri” në Gjakovë;
Policia serbe hyri në selinë e partisë së Unitetit Kombëtar;
Në tre muajt e fundit në komunën e Skënderajit u bastisën 56 familje;
Policia serbe arrestoi gjashtë shqiptarë për armë;
A do të hapen 250 mijë dosjet e sigurimit shtetëror serb.
Represioni i policisë serbe në Kosovë
Gllogovc: Më 14 mars, policia serbe kërkoi Ahmet Berishën nga Komorani, i cili u ftua që të mirret në pyetje nga ana e policisë serbe, pardje në stacionin e policisë në Gllogovc.
Më 15 mars, policia serbe ftoi nmë stacionin e policisë edhe Bajrush Krasniqin nga Negrovci. Meqë Bajrush Krasniqi nuk gjendej në shtëpi, atë e kërkuan sërish dje, por nën pretekst të kërkimit të armëve, me ç’rast ia bastisën shtëpinë duke thyer e demoluar shumë orendi.
Po këtë ditë, policia serbe nën pretekst të kërkimit të armëve bastisi edhe familjen e Sefë Bytyçit në Arllat të Gllogovcit. Policët nga Sefë Bytyçi morën një pushkë gjuetie. Pas bastisjes Sefë Bytyçin e morën me vete në staci/nin e policisë në Gllogovc, i cili u rrah brutalisht.
Skënderaj: – Dje rreth orës 6 të mëngjesit, një ekspeditë e policsë serbe e përbërë prej afro 20 vetash, së bashku me një autoblindë dhe automjete të tjera, bastisën familjen e Nezir Hazirajt në Llaushë të Skënderajt, i cili është i punësuar përkohësisht në Zvicër. Gjatë bastisjes, policët gjetën një revole dhe një pushkë gjuetie për të cilat Neziri disponote lejen.
Policia serbe e mori me vete Nezir Hazirajn, i cili më vonë u dërgua në Mitrovicë. bëhet me dije se Nezir Haziraj po mbahet ende në arrest.
Pardje, policia serbe, kërkoi nga Salih Koca në fshatin Polac të Skënderajt që të dorëzoi një pushkë. Salih Koca pasi deklaroi se nuk disponon me kurrfarë arme, policët i thanë që të lajmërohet sot në stacionin e policisë në Skënderaj në orën 8.
Prizren: – Më 13 mars rreth orës 16 në Prizren polici serb, Bojan Josiq nga Nishi me detyrë në Prizren mori me dhunë banesën e qiftit Gani dhe Azemine Rama në Prizren.
Familja Rama në këtë banesë jetonte qe 6 vite.
Kaçanik: – Më 4 mars, në vendkalimin kufitar të Suboticës derisa po udhëtonte për në Gjermani, policia serbe arrestoi Emrush Mulakun nga Kaçaniku. Shkak për arrestimin e Emrush Mulakut është se ai ka shërbyer në ish-armatën jugosllave gjatë viteve 1987-88, i cili atë kohë edhe sëmuret dhe pas 10 muajsh lirohet nga ish-armata jugosllave.
Familja e Emrush Mulakut njofton se ai tashmë gjendet në burgun hetues në Nish. Merret vesh se Emrush Mulaku do të dal në gjyq më 4 prill të këtij viti.
Mitrovicë: – Sot rreth orës 5 të mëngjesit, policia serbe bastisi familjen e Ramadan Sadikut në fshatin Zhabar të Mitrovicës, me pretekst se po e kërkonin Fadil Sadikun. Pasi Ramadan Sadiku shpjegoi se ajo nuk ishte shtëpia e Fadilit, policët morën me dhunë Ramadan Sadikun që t’ua tregoi shtëpinë e Murat Sadikut, djali i të cilit është Fadil Sadiku.
Policët arrestuan Fadil Sadikun, i cili në lokalet e policisë në Mitrovicë u mbajt deri në orën 11.30, nga i cili kërkuan që të dorëzoi një armë.
Dje, rreth orës 8, policia serbe nën pretekst të kërkimit të armëve, bastisi familjen e Ajet Haxhiut në rr. “Isë Boletini” në Mitrovicë. Pas bastisjes, policët arrestuan Ajet Haxhiun (67) dhe djalin e tij Naim Haxhiun (20).
Gjatë kohës sa qëndruan në polici, Ajet dhe Naim Haxhiu u rrahën brutalisht nga ana e policisë serbe, me ç’rast edhe morën lëndime të rënda trupore.
17 mars 1995
Lajmet kryesore:
Konferencë për gazetarë e Kryetarit të Republikës së Kosovës dr. Ibrahim Rugova;
Demaçi u prit nga nënprefekti i Gjenevës;
Delegacioni i PLK-së u prit në Bundestangun Gjerman në Bonn;
Iu vazhdua paraburgimi rektorit të Universitetit të Tetovës dhe bashkëpunëtorëve të tij;
Për Kosovën liderët opozitarë serbë mendojnë njësoj si regjimi serb;
Dhuna e policisë serbe në komunën e Malishevës po merr përmasa shqetësuese;
Policia mbylli lokalet e ambulancës së SHHB “Nënë Tereza” në Junik;
Sot në lagjen “Tauk Bashçe” të Prishtinës u bastisën mbi dhjetë familje shqiptare;
Njësi të policisë në ndërmarrjen e “Elektroekonomisë” së Kosovës;
Në Klinë për kolonistët serbë jipen 1000 hektarë tokë;
Paralajmërohet një taksë prej 300 dinarësh për ujë për banorët e Prishtinës;
Policia financiare serbe e Pejës gjatë shkurtit plaçkiti mall në vlerë prej 456 mijë dinarësh;
Gjatë muajve janar – shkurt në komunën e Ferizajt u keqtrajtuan dhjetëra shqiptarë;
Plagosja e policit serb si pretekst për keqtrajtimin e shqiptarëve në Pejë;
Në Gjenevë mbahet një tubim kundër racizmit, ksenofobisë, antisemitizmit dhe mostolerancës;
Në vend të fabrikave serbët në Kosovë ndërtojnë vetëm kisha.
17 mars 1997
Lajmet kryesore:
Kryetari Rugova priti delegacionin e shkollës “Pandeli Sotiri”;
Komisioni për të Drejtat e Njeriut të OKB-së përkrah të drejtën e Kosovës për vetëvendosje;
Demonstratë e shqiptarëve në Kiel të Shlesvig Holshtajnit të Gjermanisë;
Parlamentarë e Nord Vestfalisë u takuan me drejtuese të FR të LDK-së, UP-së dhe BSPK-së;
Gjendje më e qetë në Shqipëri;
Kadare do të bëhej president nëse në Shqipëri intervenojnë forcat e NATO-s;
Spekulime për fillimin e kontrabandës me armë ;
UE dërgon vetëm një mision këshilldhënës në Shqipëri;
Shqetësim në Maqedoni për gjendjen në Shqipëri;
Policia serbe keqtrajtoi rëndë një student me pretekst se është anëtar i të ashtuquajturës UÇK
Dhuna e përditshme në Kosovë;
Banorëve të Panorcit organet e instaluara serbe ua ndërprenë ujësjellësin.
Sulm i armatosur në autobusin e agjencisë “Tempo-turist” – 5 shqiptarë të plagosur
Dje rreth orës 12:00, në afërsi të fshatit Sllatinë të Fushë-Kosovës, në autobusin e agjencisë “Tempo-turist” nga Stambolli, dy civilë që flisnin në gjuhën serbe plagosën me armë zjarri Besim Vokshin (1960), Hydajete Hoxhën (1955) e Afërdita Xhafën (1957) nga Gjakova, shoferin Fazli Ballkan (1942) i lindur në Rozhajë me vendbanim në Stamboll, si dhe një qytetar nga komuna e Pejës, emri i të cilit nuk dihet, njofton KI i Degës së LDK-së në Gjakovë.
Të plagosurit i deklaruan Komisionit për Informim se civilët që flisnin një shqipe të rëndë kanë hyrë në autobus në Gjakovë së bashku me udhëtarët tjerë që po udhëtonin për në Turqi në orën 10:30. Kur autobusi arrit në afërsi të fshatit Sllatinë, ata u ngritën nga ulëset dhe të armatosur me armë zjarri kërkuan nga udhëtarët që t’ua jipnin paratë.
Pasi nga tre pasagjerë i plaçkitën rreth 1.500 marka gjermane, ata hasën në rezistencë nga Besim Vokshi, i cili kundërshtoi t’ua jipte paratë dhe i cili u qëllua me dy plumba në këmbë. Nga të shtënat e tyre u plagosën edhe tre udhëtarë të tjerë dhe shoferi i autobusit.
Të plagosurve në fillim iu dha ndihma e parë në Prishtinë, ndërsa më vonë ata u transferuar në spitalit e Gjakovës, ku u operuan. Njoftohet se asnjëri prej tyre nuk e ka jeten në rrezik.
Mbrëmë dhe sot, të plagosurit janë vizituar nga përfaqësuesit e Degës së LDK-së në Gjakovë dhe nga përfaqësuesit e KMDLNj-së së Gjakovës, të cilët njoftojnë se gjendja e tyre shëndetësore po përmirësohet.
Lidhur me këtë sulm të armatosur njoftojnë sot edhe gazetat ditore serbe. Në njoftime thuhet se dy sulmuesit ishin të moshës 23-30 vjeçare dhe kondukterit që ua ka paguar biletën i janë prezentuar si Agim e Ekrem. Ata gjithashtu kanë thënë se nuk kanë pasaporta, por ato do t’ua sjellin të afërmit e tyre në stacionin e autobusëve në Prishtinë!
Në njoftime gjithashtu thuhet se në fshatin Krivovë në afërsi të Sllatinës ata urdhëruan shoferin që të lëshonte rrugën dhe ta fuste autobusin në një mal të afërm, por shoferi nuk arriti ta bënte këtë për shkak se autobusi ishte me rimorkio dhe ai u ngatërrua dhe bllokoi komunikacionin.
Dy sulmuesit, njëri me revole, ndërsa tjetri me revole dhe thikë, u prezentuan si policë dhe udhëtarëve iu drejtuan me fjalët “Nxirrni paratë – turqë!”.
Pasi plaçkitën rreth 1500 DM, 1300 dinarë, 1 milion e 350 mijë lira turke dhe dy byzylykë, sulmuesit ikën na mal.
Kjo është plaçkitja e dytë e armatosur e autobusëve të vijave ndërkombëtare që nga fillimi i këtij viti në Kosovë. Në fillim të vitit, në afërsi të Duhlës së Suharekës, pothuaj me skenar të njëjtë dhe nga dy persona të moshës përafërsisht të njëjtë, qe plaçkitur një autobus që qarkullonte për Stamboll. Me këtë rast disa udhëtarë qenë keqtrajtuar nga sulmuesit, ndërsa qenë plaçkitur mbi 16.000 marka gjermane.
17 mars 1999
Edicioni i orës 11:30:
Paris: Delegacioni i Kosovës vazhdon takimet me përfaqësues të OSBE-së – pasdite konferencë shtypi e negociatorëve;
Vushtrri: Forcat serbe edhe sot kanë filluar ofensivën kundër fshatit Beçuk;
Podujevë: Forca të reja serbe erdhën nga Serbia në Kosovë;
Fushë Kosovë: Forca serbe shkuan në drejtim të fshatrave Bellaqevc i Madh e Grabovc;
Mitrovicë: Brahim Zekaj nga Abria e Poshtme u dënua me 15 muaj burg;
Mitrovicë: Civilët e armatosur serb provokojnë banorët shqiptarë;
Forcat serbe kanë bllokuar dje spitalin e Mitrovicës;
Forcat serbe gjatë tërë natës kanë sulmuar tri fshatra të Mitrovicës;
Forumi i Gruas në Mitrovicë u bëri homazhe viktimave të 13 marsit;
“Tajms”: Delegacioni serb ka në disponim 48-72 orë që të pranojë marrëveshjen për Kosovën
Beatris Lakost më nuk është zëdhënëse e OSBE-së;
Patologët finlandezë u distancuan nga raporti për masakrën e Reçakut të cilin e botoi dje gazeta “Politika”;
- Gjingjiq: Serbia me Millosheviqin nuk ka kurrfarë gjasash të sundojnë në Kosovë;
Drashkoviqi është i bindur se Beogradi do ta mbrojë Kosovën në Paris “pranë tavolinës së gjelbër”;
Është rrëmbyer Sherafedin Ajeti, “koordinator kryesor” i ashtuquajturit “sigurim lokal” në Mitrovicë.
Edicioni i orës 12:30:
Në fshatin Tomoc të Istogut u gjetën të vrarë tre vëllezër: Brahim, Esat dhe Enver (Imer) Dervishaj
Sot në orët e mëngjesit, në rrugën Gjurakoc-Istog, në breg të rrugës afër varrezave të Shatrajve të fshatit Tomoc të Istogut, u gjetën të vrarë tre vëllezër: Brahim (30), Esat (20) dhe Enver Imer Dervishaj (16), nga fshati Zabllaq i komunës së Istogut.
Në vendin e ngjarjes doli policia sebe, e cila bllokoi rrugën për afër tri orë, si dhe vëzhguesit e Misionit Verifikues të OSBE-së me seli në Istog dhe në Pejë.
Bëhet e ditur se rreth orës 10:30 policia serbe i ka marrë trupat e tyre dhe i ka dërguar në spitalin e Prishtinës për obduksion.
Njoftohet gjithashtu se njëri nga viktimat ishte i prerë në fyt, kurse një tjetër ishte me duar të lidhura prapa me pranga.
Edicioni i orës 14:30:
Lajmet kryesore:
Konferenca për Kosovën në Paris i afrohet fundit;
LDK në thirrje për ndërhyrje urgjente të NATO-s në Kosovë;
Ndërhyrje serbe në Bobaj të Bokës të Gjakovës – një i vrarë e 30 të plagosur;
Gjakovë: Të shtëna në fshatrat e brezit kufitar dhe arrestime të shumta;
Ardhje të reja të forcave serbe në Kosovë;
Prizren: Forcat serbe kanë rrethuar fshatin Kabash;
Varrosen nëntë luftëtarët e vrarë më 12 mars në luftimet në fshatrat e Vërrinit;
Kaçanik: Mbrëmë forcat e ushtrisë serbe rrethuan fshatin Laç;
Forcat serbe kanë demoluar objektin e SHF në Kërbliq të Kaçanikut;
Katër shqiptarë u dënuan nga gjykata serbe në Pejë;
- Thaçi: “Qeveria e re do t’u përgjigjet të gjitha situatave që do të krijohen edhe pas 15 marsit në Kosovë”;
“RFJ”-ja kërkoi nga Interpoli francez arrestimin e Hashim Thaçin;
Solana: “Vetëm forcat e NATO-s mund të garantojnë që në Kosovë mos të përsëritet BH-ja”;
Vedrin: “Çasti i të vërtetës nuk është larg”;
Ishinger: Beogradi ka afat deri në fund të javës;
Janovski: 9.000 vetë braktisën shtëpitë prej të hënës;
“Cap Anamur”: Ushtria serbe ka bërë shrumb e hi fshatin Jeshkovë;
“Gazeta e re Shqiptare” u dënua me 1 milion e 600 mijë dinarë;
Misioni i OSBE-së në Kosovë dënon represionin ndaj gazetave shqipe në Kosovë;
PSHDK dënon fushatën e egër ndaj gazetave të pavarura shqipe;
PVD vlerëson lart gatishmërinë e delegacionit të Kosovës në Paris për të nënshkruar marrëveshjen paqësore.
Edicioni i orës 16:30:
Lajmet kryesore:
Paris: Negociatat për Kosovën mund të përfundojnë shpejt;
Suharekë: Forcat serbe po e granatojnë fshatin Grejkoc;
Katër viktimat e familjes Tafaj u varrosën nën breshërinë e granatave serbe;
Helena Ranta e vlerësoi “krim kundër njerëzimit” masakrën e Reçakut;
Vollebek dënon mizorinë e Reçakut kundër civilëve të pafajshëm shqiptarë;
Prizren: Katër shqiptarë u dënuan me 22 vjet e 6 muaj burg;
Në Korishë vazhdojnë të shtëna sporadike dhe zhvendosje të popullatës shqiptare;
Istog: Tre civilë serbë tentuan ta kidnapojnë një të ri shqiptar;
Prizren: Policia serbe ia ofroi një nxënësi 5.000 DM për të vënë eksploziv në shkollën e tij;
Prizren: Procesi mësimor u ndërpre deri më 21 mars.
Edicioni i orës 18:00:
Lajmet kryesore:
Paris: Megjithatë, negociatat për Kosovën mund zgjasin deri të premten;
Vushtrri: Ushtarët dhe policët serbë po djegin fshatrat: Beçuk, Pantinë e Oshlan;
Ndërpritet botimi i gazetës “Kosova sot”.