Raportuesi për Serbinë në Parlamentin Evropian, Vladimir Bilçik, tha sot se shpresonte që dialogu midis Beogradit dhe Prishtinës do të vazhdonte dhe është pajtuar me kryeparlametarin serb Ivica Daçiq që “topi” aktualisht është në oborrin e Prishtinës, e jo në Beograd .
Në seancën e Komisionit për Integrim Evropian, në të cilën u diskutua rezoluta e Parlamentit Evropian mbi raportet nga 2019 dhe 2020, Daçiq tha se ishte e paqartë, kur bëhet fjalë për çështjen e Kosovës pse në atë rezolutë thuhet “të gjithë duhet të përmbushin detyrimet e tyre”, raporton Tanjug, transmeton Klan Kosova.