Të paktën 59 persona raportohet se kanë vdekur nga goditjet e rrufesë dhe rrëshqitjet e dheut të shkaktuara nga stuhitë e forta musonore në Indi dhe Bangladesh. Miliona njerëz kanë mbetur të bllokuar ndërsa punonjësit e urgjencës u përpoqën për t’i ndihmuar të prekurit.
Parashikuesit e motit paralajmërojnë se situata mund të përkeqësohet gjatë ditëve në vijim. Zyrtarët e Qeverisë së Bangladeshit kanë përshkruar përmbytjet e fundit si më të rëndat në vend që nga viti 2004.
Shirat e pandërprerë gjatë javës së fundit kanë përmbytur sipërfaqe të gjera të rajonit verilindor të vendit.
Shkollat janë shndërruar në strehimore të improvizuara dhe disa trupa janë vendosur për të evakuuar familjet e shkëputura nga komunitetet fqinje si rezultat i rritjes së ujërave./UBTNews/