Dhjetëra mijëra armenë etnikë nxituan këtë javë për të ikur për në Armeni nga rajoni separatist i Nagorno-Karabakut, pas një operacioni të rrufeshëm ushtarak nga Azerbajxhani.
Deri më tani, mbi 28,000 nga 120,000 armenë të Karabakut kanë kaluar në kufi me Armeninë, një vend me rreth 2.8 milionë banorë.
Rruga malore ishte e mbushur me njerëz. Shumë flinin në makina ose kërkonin dru zjarri për t’u ngrohur në anë të rrugës.
“Kam lënë çdo gjë pas. Nuk e di se çfarë më pret. Nuk kam asgjë. Nuk dua asgjë”, tha për Reuters të martën Vera Petrosyan, një mësuese 70-vjeçare në pension.
“Unë nuk do të doja që askush të shihte atë që kam parë”, shtoi ajo, duke reflektuar mbi të shtënat, urinë, trazirat dhe vuajtjet që ajo dëshmoi përpara se të arratisej në Armeni.
Ofensiva 24-orëshe e Azerbajxhanit në Karabakh erdhi mes një bllokade të vendosur në enklavë dhjetorin e kaluar. Nuk është e qartë saktësisht se çfarë ndodhi përpara se udhëheqja e Karabakut të binte dakord për një armëpushim. Azerbajxhani thotë se civilët nuk u lënduan.
Armenia dhe Azerbajxhani kanë luftuar dy luftëra për këtë enklavë në 30 vjet – me Azerbajxhanin që rifitoi një pjesë të territorit në dhe rreth Nagorno-Karabakh në një konflikt gjashtëjavor në vitin 2020./UBTNews/