Kryesuesja e Komisionit për Mbikëqyrjen e Agjencisë së Kosovës për Inteligjencë, Ganimete Musliu ka thënë se mbledhja ka dështuar për shkak të mungesës së kuorumit. Ajo tha se kjo ka ndodhur për shkak të ndërrimit të orarit të mbajtjes së mbledhjes.
“Sot është thirrur një mbledhje e rregullt e Komisioni Parlamentar për Mbikëqyrjen e Agjencisë së Kosovës për Inteligjencë, ndoshta mund ta lë si shkaktar pak ndërrimin e orarit pasi zakonisht ne i kemi mbledhjet në ora 10:00, por meqën sot është një dëgjim publik për Ligjin për Sigurinë Kibernetike, na është dashtë që të mbajmë një orë më herët mbledhjen dhe mungoj kuorumi”, tha ajo.
Musliu tha se janë disa deputetë në këtë Komision që mungojnë rregullisht.
“Në realitete nuk ndodh shpesh që mbledhjet e komisionit na dështojnë për kuorum, por fatkeqësisht janë deputetët e njëjtë që mungojnë, ata deputet që sot nuk ishin nuk janë në çdo mbledhje”, tha ajo.