Higjiena personale është e mirë, por ka rregulla të përgjithshme kur bëhet fjalë për bazat, si larja e fytyrës.
Ka shumë ekspertë që këshillojnë metoda të ndryshme të larjes së fytyrës, por zhvillimi i teknikave dhe produkteve çon në stad më të avancuar të këtij rituali, në dukje shumë të thjeshtë, por me disa truke brenda saj.
Miti 1: Ju nuk duhet të lani fytyrën tuaj në dush
Dr. Shasa Hu, një anëtare e Akademisë Amerikane të Dermatologjisë dhe bashkëthemeluese e shërbimit të këshillimit për kujdesin e lëkurës BIALife, tha se deklarata e Cho-it “është një mit total”.
“Kur ju lani fytyrën tuaj në dush, avulli i ngrohtë nga dushi nxit çlirimin më të thellë të lëkurës dhe çrrënjos poret”, shpjegoi Hu.
Për sa kohë që nuk përdorni ujë të nxehtë apo sapun të ashpër, larja e fytyrës në dush ju kursen kohë, ujë e do t’ju jap pastrim të thellë lëkurës, ndryshe nga rituali i zakonshëm dhe i përditshëm që ne kemi para pasqyrës.
Miti 2: Ju duhet ta lani fytyrën dy herë në ditë
Dermatologu i New York-ut, Dr. Hadley King, tha se nëse keni nevojë të lani fytyrën dy herë në ditë varet nga lloji i lëkurës e çfarë duhet të lani. P.sh, llojet e thata ose të ndjeshme të lëkurës janë të mira për t’u pastruar një herë në mbrëmje, ndërsa lëkura me vaj kërkon ta pastroni së paku dy herë në ditë.
Nëse bëni një stërvitje të gjatë dhe djersiteni ose vendosni grim të rëndë, larja e fytyrës pas palestrës dhe përpara shtratit është e rëndësishme.
Miti 3: Larja e fytyrës me sapun dhe ujë mjafton si një rutinë e përditshme
“Larja me sapun bëhet për pastrimin e gjërave të rregullta. Lëkura nuk është e rregullt”, tha Nazarian. Sapunët tipike zhveshin vajrat natyrale dhe hidratuesit nga lëkura juaj, që mund të prishë pH e lëkurës tuaj dhe të dëmtojë barrierën e saj”.
Në vend të kësaj, jepni lëkurës pastrim të butë dhe pa aromë që ofron që i shërben më së miri trajtimit të saj.
Miti 4: Skrubi është mënyra më e mirë për të pasur një pastrim të thellë
Pastrimi me sfungjer ose pajisje mekanike nuk zhdukë polimeret e yndyrës ose kozmetikës në sipërfaqen e lëkurës. Skrub-et mekanikë mund të shkaktojnë shenja mikroskopike në lëkurë, por të padëmshme gjithsesi.
Miti 5: Ju nuk duhet të lani duart para se të lani fytyrën tuaj
Edhe nëse duart tuaja nuk duken ose ndihen të pista, ato janë në përdorim.
“Shumica e njerëzve përdorin shpesh duart për të shtypur në tastierë dhe telefona, ose në makinë”, tha Hu, ndaj bakteret dhe kimikatet në këto sipërfaqe mund të çojnë në acarim ose infeksion të lëkurës, syrit, sidomos tek njerëzit që janë të prirur ndaj ekzemës. /UBT News/