Pritjet e mërgimtarëve tanë për të dalë nga Kosova, mëngjesin e sotëm, kanë filluar të jenë më të gjata. Sipas Qendrës Kombëtare për Menaxhim Kufitar, pritjet më të gjata për të dalë nga Kosova janë në Merdarë dhe te Dheu i Bardhë.
Sipas kësaj qendre, më së shumti pritje ka në dalje, në pikën kufitare me Serbinë, në Merdarë, ku pritjet zgjasin deri në 90 minuta dhe kolona e makinave është rreth 700 metra e gjatë, kurse në pikëkalimin te Dheu i Bardhë pritjet zgjasin deri në 15 minuta, në kolonë rreth 100 metra.
Pritje ka edhe në pikën tjetër me Serbinë, Muqibabë, ajo zgjat dhjetë minuta. Në pikat tjera s’ka kolona as në hyrje as në dalje dhe pritjet zgjasin vetëm tri deri në pesë minuta.