Deputeti i Parlamentit gjerman nga Partia e Gjelbër, Boris Mijatoviq ka reaguar pas sulmit terrorist kundër Policisë së Kosovës në fshatin Banjskë të komunës së Zveçanit. Përmes një postimi në X ai ka deklaruar se Serbia dhe regjimi i presidentit serb, Aleksander Vuçiq, e bartin përgjegjësinë e plotë për sulmin.
“Serbia dhe regjimi i Vuçiqit e bartin përgjegjësinë e plotë. Kush grumbullon me vite armë në manastire, bart përgjegjësi kur vriten njerëz. Loja e dyfishtë e Kishës Ortodokse dhe e shtetit serb duhet të marrë fund – në mbarë rajonin”, ka shkruar ai në X.
Si pasojë e sulmit terrorist në Banjskë ka mbetur i vrarë një polic i Kosovës dhe disa të tjerë u plagosën./UBTNews/