Dhoma e ulët e Asamblesë Kombëtare të Francës miratoi një projekt-ligj të enjten herët, ligj ky që do t’u kërkonte bashkive të mbanin flamujt francezë dhe evropianë, siç bëjnë shumica tashmë.
Projektligji kishte shkaktuar polemika, si një sfidë e qartë për Tubimin Kombëtar të ekstremit të djathtë (RN) një vit përpara zgjedhjeve të Parlamentit Evropian.
“Njerëzit që e kanë të vështirë të fshehin shqetësimin e tyre përpara flamurit me yje (të BE-së) kanë po aq vështirësi për të fshehur ëndrrat e tyre për Frexit”, tha Mathieu Lefevre, një deputet besnik i Macron-it, i cili e ka përcjellë tekstin përmes parlamentit.
Ai akuzoi si të majtën dhe të djathtën ekstreme të Francës se ushqejnë ambicie për të ndjekur Britaninë jashtë BE-së, e cila ka 27 anëtarë që nga përfundimi i procesit të Brexit në 2020./UBTNews/