Presidenti i Ukrainës ka nënshkruar një dekret që deklaron zyrtarisht perspektivën e çdo bisede paqeje me homologun e tij rus si “të pamundur”, por duke e lënë derën e hapur për bisedimet me Rusinë.
Dekreti zyrtarizoi komentet e bëra nga Zelensky të premten pasi Putin shpalli katër rajone pjesërisht të okupuara të Ukrainës si pjesë të Rusisë – veprim ky që Kievi dhe aleatët e tij perëndimorë e denoncuan si një farsë të paligjshme.
“Ai [Putini] nuk e di se çfarë është dinjiteti dhe ndershmëria. Prandaj, ne jemi gati për një dialog me Rusinë, por me një president tjetër të Rusisë”, tha Zelenskyy të premten.
Putin, i cili mbush 70 vjeç këtë javë, ka dominuar peizazhin politik të Rusisë për më shumë se dy dekada dhe mund të kandidojë për postin edhe dy herë të tjera sipas reformave kushtetuese që ai ka kryesuar, duke qëndruar potencialisht në pushtet deri në vitin 2036./UBTNews/