Presidenti ukrainas, Volodymyr Zelensky foli me kryeministrin izraelit Naftali Bennett për komentet “skandaloze” të bëra nga Ministri i Jashtëm, rus Sergey Lavrov, duke pohuar se Hitleri kishte gjak hebre.
Në fjalimin e tij të natës të mërkurën, Zelensky tha se ai foli me Bennett për ta uruar për Ditën e Pavarësisë së Izraelit dhe për ta informuar atë për situatën në qytetin jugor të Mariupol dhe Ukrainën lindore.
“Ne diskutuam gjithashtu për deklaratat skandaloze dhe absolutisht të papranueshme të ministrit të Jashtëm rus që ofendoi të gjithë botën”, tha presidenti ukrainas.
Në një intervistë me televizionin italian të dielën, Lavrov përsëriti pretendimin e Rusisë se pushtimi i saj në Ukrainë është pjesë e përpjekjeve për të “de-nazifizuar” vendin.
Ai hodhi poshtë faktin që Zelensky është hebre, duke thënë: “Ai [Zelensky] parashtron një argument: çfarë lloj nazizmi mund të kenë nëse ai është hebre. Unë mund të gaboj, por Hitleri gjithashtu kishte gjak hebre. Kjo nuk do të thotë absolutisht asgjë. Populli i mençur hebre thotë se antisemitët më të flaktë janë zakonisht hebrenj”.
Vërejtjet e Lavrovit ndezën zemërim në mesin e qeverisë izraelite, e cila thirri me shpejtësi ambasadorin rus në Izrael./UBTNews/