Në prag të zgjedhjeve parlamentare të 23 shkurtit në Gjermani, katër liderët kryesorë të partive do të marrin pjesë në një debat televiziv më 16 shkurt. Kancelari Olaf Scholz (SPD), lideri i opozitës Friedrich Merz (CDU/CSU), Alice Weidel (AfD), dhe Robert Habeck (të Gjelbrit) janë të ftuar të diskutojnë para zgjedhjeve.
Debati do të zhvillohet vetëm një javë para votimeve dhe është i planifikuar të përfshijë këto katër parti, duke pasqyruar renditjen e sondazheve të fundit, ku CDU/CSU është në krye, ndjekur nga AfD, SPD dhe të Gjelbrit.
Përpara këtij debati, udhëheqës të tjerë politikë, përfshirë Sahra Wagenknecht (BSW), Christian Lindner (FDP) dhe Gregor Gysi (Die Linke), do të kenë mundësi të shprehen po ashtu. Fillimisht, RTL kishte planifikuar një debat të vetëm midis Scholz dhe Merz, por më pas, pas kundërshtimit nga të Gjelbrit, ata vendosën që të përfshijnë Robert Habeck në një debat me Scholz dhe Merz.
Ky debat do të jetë një mundësi e madhe për kandidatët të diskutojnë pozitat dhe strategjitë e tyre për të ardhmen e Gjermanisë, dhe është një zhvillim i rëndësishëm në prag të zgjedhjeve.
