Një aksion i gjerë i Prokurorisë së Gjakovës, ka nisur mëngjesin e së mërkurës në Malishevë, për shkak të dyshimeve për manipulime me vota. Aksioni po kryhet në bashkëpunim me Policinë e Kosovës.
Zëdhënësi i prokurorisë, Drin Domi ka bërë të ditur se operacioni është ndërmarrë nën dyshimet për falsifikim të rezultateve të kandidatëve për deputetë në zgjedhjet e 28 dhjetorit.
Kujtojmë se para disa ditësh në Prizren u arrestuan 109 persona të dyshuar për manipulim të rezultateve të zgjedhjeve të 28 dhjetorit, ndërsa 23 prej tyre iu është caktuar masa e paraburgimit.