Fati i ushtarëve ukrainas që u dorëzuan në fabrikën e çelikut Azovstal në Mariupol duhet të vendoset në gjykatë, sipas Denis Pushilin, udhëheqës i Republikës së vetëshpallur Popullore të Donetsk (DPR).
“Sa për kriminelët e luftës dhe ata që janë nacionalistë, nëse i dorëzojnë armët, fati i tyre duhet të vendoset nga gjykata”, tha Pushilin, raporton agjencia shtetërore ruse e lajmeve TASS.
“Pavarësisht nga emocionet e disa [njerëzve], kam dëgjuar mendime të ndryshme. Nëse një kundërshtar lëshon armët, fati i tyre vendoset nga një gjykatë”, shtoi ai.
Shumica e ushtarëve në Azovstal që u dorëzuan po mbahen në territorin e DPR në Orlenivka.
Të martën, hetuesit rusë njoftuan se do të merrnin në pyetje ata që përshkruheshin si “militantë të dorëzuar”, të cilët u evakuuan nga uzina Azovstal./UBTNews/