Pesëmbëdhjetë njerëz kanë vdekur në Malavi dhe Mozambik pasi cikloni Freddy goditi të dy vendet me shira të rrëmbyeshëm dhe erëra të forta pas kthimit të tij në kontinentin e Afrikës jugore, thanë autoritetet të hënën.
Policia në Malavi tha se 11 njerëz vdiqën në zonat përreth qytetit jugor të Blantyre, ku shirat e dendur shkaktuan përmbytje ndërsa cikloni u rikthye, vetëm disa javë pasi goditi për herë të parë kontinentin.
Të paktën 16 persona të tjerë janë zhdukur dhe katër të plagosur, sipas një numërimi paraprak, tha policia.
Katër persona të tjerë vdiqën në Mozambikun fqinj, thanë autoritetet lokale, teksa një vlerësim i dëmeve ishte duke u zhvilluar pasi stuhia arriti në tokë të dytën në vend të shtunën./UBTNews/