Shumë ekspertë besojnë se rebelimi i dështuar i fundjavës së Wagner-it mund të ketë pasoja të qëndrueshme për Kremlinin, por televizioni shtetëror rus duket i prirur ta vendosë historinë në hije sa më shpejt që të jetë e mundur.
Sot, kanalet kryesore të vendit citojnë gjerësisht fjalimin e natës së vonë të Presidentit Putin, duke theksuar se ai falënderoi rusët për “unitetin dhe patriotizmin” e tyre.
Channel One siguron shikuesit e tij se “situata tani është normalizuar dhe pasojat e asaj që ndodhi janë eliminuar”.
Time Will Tell, një nga shumë emisionet politike që dominojnë programet e televizionit rus gjatë kohës së luftës, përmban vetëm një segment të shkurtër mbi rebelimin në krye të programit, me prezantuesin që komenton se “gjëja kryesore është se nuk arriti të ndodhë”.
Pas kësaj, i kthehet temës që ka qenë në të gjithë ekranet ruse për javë të tëra – kundërofensiva ukrainase – të cilën TV rus e ka hedhur poshtë vazhdimisht si një dështim.
“Në Perëndim, ata janë të pakënaqur me mënyrën se si po shkon kundërofensiva dhe me Zelenskyn gjithashtu”, deklaron prezantuesi.
Një korrespodent luftarak që flet pas frontit rus në Ukrainë thotë se përpjekjet e Kievit për të krijuar një urë në bregun e majtë të lumit Dnipro kanë qenë të pasuksesshme./UBTNews/