Presidenti i Kinës, Xi Jinping, ka mbërritur në Moskë për të takuar Vladimir Putin.
Kina ka këmbëngulur se udhëtimi synon të ndërmjetësojë paqen, por lidhjet e saj të ngushta me Rusinë kanë filluar të ngjallin shqetësime në komunitetin ndërkombëtar.
Zëdhënësi i Ministrisë së Jashtme të Ukrainës, Oleg Nikolenko, ka thënë se Kievi pret që Kina të përdorë ndikimin e saj mbi Putinin për t’i dhënë fund luftës.
“Ukraina po ndjek nga afër vizitën e presidentit kinez në Rusi”, tha Nikolenko në një deklaratë për Reuters.
“Ne presim që Pekini të përdorë ndikimin e tij në Moskë për ta bërë atë t’i japë fund luftës agresive kundër Ukrainës”./UBTNews/