Ministria ruse e mbrojtjes, në komentet e saj të para mbi sulmin e së hënës në një qendër tregtare të ngjeshur në qytetin ukrainas të Kremenchuk, thotë se ajo e kreu sulmin, por zjarri vdekjeprurës u shkaktua nga shpërthimi i municioneve të ruajtura atje.
Rusia ka thënë vazhdimisht se nuk ka në shënjestër civilët, shpesh duke pretenduar se sulmet vdekjeprurëse janë në objektiva legjitime ushtarake, apo edhe sulmet janë kryer nga vetë forcat ukrainase.
Ministria ruse e mbrojtjes tha në një postim në Telegram forcat e saj ajrore sulmuan depot që përmbanin armë nga Shtetet e Bashkuara dhe vendet evropiane.
“Shpërthimi i municioneve të armëve perëndimore shkaktoi një zjarr në një qendër tregtare aty pranë që nuk funksiononte”, tha ministria.
Ukraina thotë se kishte qindra njerëz në qendrën tregtare në kohën e shpërthimit dhe ajo u godit drejtpërdrejt. Të paktën 18 persona dihet se janë vrarë dhe të tjerë janë të zhdukur, thonë zyrtarët./UBTNews/