Shumë prej jush ëndërroni për një pushim të mirë të natës dhe një mëngjes të bukur pa zhurmën e alarmit. Duket sikur gjithçka që ju nevojitet është gjumi dhe jeta do të përmirësohet menjëherë pasi të flini sa të doni. Megjithatë, gjumi në fakt mund të kthehet nga prej mikut në armik nëse nuk caktoni një orar.
Mund të ndiheni të lodhur gjatë gjithë kohës
Çuditërisht, gjumi i tepërt nuk do t’ju bëjë të ndiheni të freskët dhe energjik. Përkundrazi, do të përjetoni lodhje dhe s’do të keni vullnet për të bërë asgjë. Sasia e rekomanduar e gjumit është 7-9 orë për të rriturit. Nëse flini më shumë se kaq, truri juaj ndihet i mjegulluar, kështu s’do të arrini të përqendroheni.
Mund të keni dhimbje koke
Kjo është një shenjë e zakonshme e gjumit të tepërt, e cila shkaktohet nga mosfunksionimi i neurotransmetuesve. Gjumi i tepërt zakonisht sjell dhimbje koke të tipit tension. Për më tepër, nëse gërhitni, ka më shumë gjasa të zgjoheni me dhimbje koke. Një sondazh tregoi se 60% e gërhitësve janë të prirur ndaj tyre.
Lehtë irritoheni
Në vend që të ndiheni të lumtur dhe plot energji, ka më shumë gjasa të zgjoheni të mërzitur dhe me humor. Nëse zgjoheni duke u ndjerë tashmë të lodhur dhe duke e ditur se nuk mund të jeni aq produktiv sa do të dëshironit, ju prish humorin dhe ju bën më nervoz dhe të zemëruar./UBTNews