Sanksionet e vendosura nga Perëndimi pas pushtimit rus të Ukrainës e ulën dramatikisht vlerën e rublës. Por një muaj më pas, monedha ka bërë një rikuperim të plotë dhe tani po tregtohet në nivelet e para luftës.
Banka Qendrore e Rusisë ka ndërmarrë hapa dramatikë në javët e fundit për të ndërhyrë në treg, duke zbatuar politika të ndryshme.
Çfarë ka bërë Moska për të rritur rublën?
- Banka qendrore i ka rritur normat e interesit në 20%. Kjo i inkurajon kursimtarët rusë të mbajnë paratë e tyre në monedhën vendase.
- Eksportuesit janë urdhëruar të shkëmbejnë 80% të të ardhurave të tyre nga valutat e huaja për rubla – në vend që të mbajnë dollarë ose euro.
- Banorët nuk lejohen të bëjnë transfere bankare jashtë Rusisë.
- Rusia ka kërcënuar se do të kërkojë pagesën për gazin natyror në rubla, jo në euro apo dollarë./UBTNews/