Autoritetet ukrainase thonë se së paku tetë persona kanë vdekur si pasojë e bombardimeve në një qendër tregtare në distriktin Podilskyi të kryeqytetit Kiev.
Videoja e publikuar nga Shërbimi Shtetëror i Emergjencave të Ukrainës kapi momentin kur qendra tregtare u godit. Si pasojë e shpërthimit u thyen xhamat e një ndërtese fqinje.
Zjarrfikësit u panë më vonë duke u përpjekur të shpëtonin njerëzit e bllokuar nën rrënoja në vend. Disa kate të ndërtesës 10-katëshe mbetën në flakë për orë të tëra pas sulmit.
Disa të mbijetuar u përpoqën t’i shpëtonin zjarrit, ndërsa të tjerët thanë se ishin me fat që kishin fjetur “midis dy mureve” në korridoret e tyre për t’u mbrojtur nga çdo sulm i mundshëm, raporton agjencia e lajmeve Reuters./UBTNews/
