Catherine Zeta-Jones dhe Michael Douglas festojnë 25-vjetorin e martesës, një moment plot emocione që të dy aktorët zgjodhën ta ndajnë me ndjekësit e tyre në rrjetet sociale.
Ylli i Hollivudit publikoi një mesazh prekës, ku shprehu dashurinë dhe mirënjohjen për bashkëshortin, duke kujtuar ditën e tyre të veçantë të dasmës. Ajo ndau edhe fotografi nga udhëtimi i tyre i përbashkët ndër vite.
“25 vjet më parë, ecja drejt teje në korridorin e kishës. Aroma e luleve, drita e qirinjve, kori uellsian… gjithçka ishte magjike. Dhe ti, në fund të shtegut, duke më pritur ashtu si di. Të dua sot po aq sa atëherë. Faleminderit, dashuria ime,” shkroi Zeta-Jones në postimin e saj.
Michael Douglas publikoi gjithashtu një urim, duke ndarë një fotografi të çiftit nga një dalje publike dhe duke shkruar:
“Gëzuar 25-vjetorin, Katherine ime e dashur. Kush do ta kishte menduar? Me gjithë dashurinë time, Michael.”
Çifti i famshëm vijon të mbetet një ndër historitë më të bukura të dashurisë në Hollywood. /A.Z/UBT News/