Ministri i Punëve të Jashtme të Shqipërisë, Gent Cakaj ka zhvilluar sot një takim me kryeministrin Avdullah Hoti, ku mes tjerash u diskutua për mbrojtjen e të drejtave të shqiptarëve të Luginës së Preshevës.
“Shprehëm shqetësimin e thellë lidhur me procesin e fshirjes së qëllimshme të adresave të shqiptarëve në Medvegjë, Bujanoc dhe Preshevë. Ne do të vazhdojmë të punojmë pakursyer për për rritjen e ndjeshmërisë ndërkombëtare për gjendjen e shqiptarëve në Luginë. Ndamë të njëjtën pikëpamje se dialogu Kosovë-Serbi duhet të përfundojë me njohjen e Republikës së Kosovës nga ana e Serbisë”, shkroi Cakaj në Facebook./UBTNews