Një burrë duke bërtitur që denonconte Kishën ndërpreu një audiencë të Papa Françeskut në Vatikan të mërkurën, përpara se të shoqërohej jashtë nga policia.
“Kisha nuk është ashtu siç dëshiron Zoti”, përsëriti burri në anglisht, ndërsa qëndronte në pjesën e pasme të sallës duke mbajtur maskën e tij në dorë.
Teksa po nxirrej jashtë sallës nga dy policë të Vatikanit dhe një roje zvicerane pa bërë rezistencë, burri bërtiti, “Zoti të refuzon, Atë. Ti nuk je mbret”.
Papa 85-vjeçar, i cili kishte vazhduar të mbante fjalimin e tij gjatë britmave, i kërkoi audiencës të luteshin për burrin.
“Të mos jemi të shurdhër ndaj nevojave të këtij vëllai”, tha ai mes të tjerash./UBTNews/