Burrat afganë që punojnë për Kombet e Bashkuara në Kabul do të qëndrojnë në shtëpi në solidaritet me koleget e tyre femra pasi talibanët i ndaluan gratë afgane të punojnë për organizatën globale, sipas një zyrtari të lartë të OKB-së.
Ramiz Alakbarov, Zëvendës Përfaqësuesi Special i OKB-së, Rezident dhe Koordinator Humanitar për Afganistanin, e quajti vendimin e talibanëve një “shkelje të pashembullt të të drejtave të njeriut”.
“Jetët e grave afgane janë në rrezik”, tha ai, duke shtuar, “nuk është e mundur të arrihen gratë pa gra”.
Stafi ndërkombëtar i OKB-së në Afganistan do të qëndrojë në postet e tyre, shtoi ai.
OKB-ja tha të mërkurën se ishte njoftuar nga talibanët se gratë afgane nuk lejoheshin më të punonin për OKB-në në Afganistan dhe se masa do të zbatohej në mënyrë aktive./UBTNews/