Bullgaria ka nënshkruar një marrëveshje afatgjatë me fqinjin e saj, Turqinë, përmes së cilës Bullgaria do të ketë qasje në terminalet e gazit natyror të lëngshëm (LNG) të Turqisë dhe rrjetin e furnizimit me gaz në vend pasi Sofja synon të zëvendësojë furnizimet me energji që dikur siguroheshin nga Rusia.
Kompania shtetërore bullgare e gazit Bulgargaz dhe kompania turke e transmetimit të gazit Botas nënshkruan një marrëveshje 13-vjeçare që përcakton se LNG-ja që Bullgaria do të blejë në tregjet ndërkombëtare, do të shkarkohet dhe përpunohet në terminalet turke dhe më pas do të transferohet përmes rrjetit të gazit Botas në Bullgari.
Bullgaria, një anëtare e Bashkimit Evropian, ka qenë pothuajse plotësisht e varur nga gazi rus, por po kërkon alternativa pasi Moska ndërpreu furnizimet gjatë muajit prill pasi Sofja refuzoi të paguante në rubla ruse në vazhdën e pushtimit të Ukrainës./UBTNews/