Dhjetëra paralajmërime për përmbytje janë lëshuar në të gjithë Mbretërinë e Bashkuar pasi vendi është goditur nga stuhia e tretë në një javë.
Agjencia Britanike e Mjedisit ka lëshuar 184 paralajmërime për përmbytje – që do të thotë se priten përmbytje – duke përfshirë dy paralajmërime të rënda për zonën e Mançesterit të Madh me një “rrezik të madh për jetën”.
Shumë banorëve iu tha të dielën nga autoritetet që të përgatiteshin për një evakuim të mundshëm.
Met Office kishte lëshuar një alarm të verdhë për motin për Irlandën e Veriut, e cila parashikohej të goditet nga erërat më të forta. Një paralajmërim i verdhë për erën u dekretua ndërkohë për pjesën më të madhe të Anglisë.
Agjencia meteorologjike ka paralajmëruar se mund të ketë ndërprerje të udhëtimit.
Tre persona u vranë në Angli nga stuhia Eunice, e cila përfshiu Irlandën të premten në mëngjes dhe vendet e Evropës veriore gjatë fundjavës.
Të paktën 13 persona humbën jetën në Holandë, Poloni, Gjermani, Belgjikë dhe Irlandë së bashku.
Stuhia shkaktoi ndërprerje të mëdha të udhëtimeve dhe rrëzoi energjinë për miliona familje në të gjithë Mbretërinë e Bashkuar dhe Evropën veriore./UBTNews/