Qeveria e Mbretërisë së Bashkuar ashpërsoi të hënën sanksionet kundër Korpusit të Gardës Revolucionare Islamike të Iranit, si pjesë e kufizimeve të reja ndaj Teheranit nën dyshimet për shkelje të të drejtave të njeriut.
Sekretari i Jashtëm, James Cleverly njoftoi rreth ndalesës së udhëtimit dhe ngrirjes së aseteve të katër individëve dhe Gardës Revolucionare. Ai tha se ndalesa është bërë në koordinim me Shtetet e Bashkuara të Amerikës dhe Bashkimin Evropian.
Mbi 70 zyrtarëve dhe subjekteve iraniane i janë ngrirë asetet në Mbretërinë e Bashkuar dhe iu është ndaluar udhëtimi që nga tetori i vitit të kaluar./UBTNews/