Diplomati i lartë i Bashkimit Evropian, Josep Borrell u ka kërkuar aleatëve të Ukrainës të ndjekin Gjermaninë dhe “të dorëzojnë sa më shumë tanke dhe sa më shpejt të jetë e mundur”.
Duke folur për transmetuesin Phoenix të Gjermanisë, Borrell tha sot se do të jetë zhgënjyese “pasi këto vende ia kanë drejtuar gishtin Gjermanisë që s’po bën asgjë, dhe tani nuk do ta ndjekin atë”. Ai ritheksoi nevojën e Ukrainës për tanke.
“Na duhen këto tanke, Ukrainës i duhen të gjitha tanket që mund t’ia dërgoni. Ne duhet ta mbështesim Ukrainën dhe kjo duhet të ndodhë”, tha mes tjerash ai.
“Ne duhet të kërkojmë një përgjigje. Unë e di se ka qindra tanke në ushtritë e BE-së, disa prej tyre duhet të rinovohen, prandaj ju duhet ta bëni atë, dhe ta bëni sa më shpejt, sepse në pranverë, do të jetë vonë”, shtoi ai./UBTNews/