Përfaqësuesi i lartë i Bashkimit Evropian, Josep Borrell ka diskutuar me Sekretarin e Përgjithshëm të NATO-s, Jens Stoltenberg lidhur me situatën në veri të Kosovës.
Borrell ka shkruar në Twitter se ata pajtohen që Prishtina duhet të depërshkallëzojë dhe mos të ndërmarrë hapa të njëanshëm dhe destabilizues.
Ai gjithashtu ka vlerësuar koordinimin e mirë të vazhdueshëm ndërmjet EULEX-it dhe KFOR-it në sigurimin e një mjedisi të sigurt dhe të qetë.