Sekretari i Shtetit, Antony Blinken të premten e quajti pushtimin e Ukrainës “dështim strategjik” të Rusisë, duke treguar unitetin perëndimor dhe humbjet e Moskës.
“Lufta e agresionit të Putinit kundër Ukrainës ka qenë një dështim strategjik – duke zvogëluar në masë të madhe fuqinë ushtarake, ekonomike dhe diplomatike të Rusisë dhe ndikimin e saj gjatë viteve në vijim”, tha Blinken në një fjalim në Helsinki.
Ai shtoi se një Ukrainë e fuqishme është parakusht për “paqe të vërtetë” dhe se lufta në Ukrainë ka forcuar vendosmërinë e ShBA-së ndaj Kinës.
“Mbështetja jonë për Ukrainën nuk i ka dobësuar aftësitë tona për të përballuar kërcënimet e mundshme nga Kina apo kudo tjetër – ajo i ka forcuar ato”, tha Blinken./UBTNews/