Sekretari i Shtetit të SHBA, Antony Blinken, deklaroi se administrata amerikane po punon për të trajtuar shqetësimet e Turqisë në Siri, duke tentuar të parandalojë një operacion ushtarak të mundshëm të Ankarasë kundër YPG-së, dega siriane e PKK-së. Blinken e cilësoi si legjitime shqetësimin e Turqisë lidhur me praninë e PKK-së në Siri, duke theksuar se një zgjidhje për këtë çështje është e domosdoshme për stabilitetin e vendit dhe rajonit.
Sekretari amerikan theksoi gjithashtu se pas përmbysjes së Bashar al-Assad, është e nevojshme që Siria të trajtojë problemin e “luftëtarëve të huaj terroristë” dhe të përpiqet të krijojë një rezolutë që garanton një rend të ri. Blinken paralajmëroi se çdo përshkallëzim i konfliktit do të ishte dëmprurës dhe se SHBA do të punonte fort për të shmangur çdo konflikt të ri që mund të minonte zhvillimet pozitive në Siri.
Ai gjithashtu shtoi se pritet që administrata e ardhshme e Donald Trump të shfaqë një interes të fortë në parandalimin e rritjes së grupit terrorist DAESH, i cili ka shkaktuar mbi 40,000 viktima në Turqi, përfshirë gra dhe fëmijë./UBTNews/