Sekretari amerikan i Shtetit, Antony Blinken u bëri thirrje të enjten të gjitha vendeve që të kërkojnë nga Rusia që të mos e përdorë gurin si “shantazh” dhe të ndalojë trajtimin e njerëzve të uritur dhe të pambrojtur në botë si levë në “luftën e saj të pandërgjegjshme”.
Diplomati më i lartë i Amerikës sulmoi Rusinë në një takim të Këshillit të Sigurimit të OKB-së për injorimin e apeleve të botës dhe tërheqjen nga marrëveshja njëvjeçare që ia mundësojë Ukrainës të transportojë më shumë se 32 tonë drithë nga portet e Detit të Zi në vendet në nevojë.
“Dhe cila ka qenë përgjigja e Rusisë ndaj shqetësimit dhe zemërimit të botës? Bombardimi i hambarëve të Ukrainës, minimi i hyrjeve të portit, kërcënimi për të sulmuar çdo anije në Detin e Zi”, deklaroi ai./UBTNews/