Mizoritë që ka kryer Rusia gjatë pushtimit të Ukrainës, të cilat bota i ka parë tani nga imazhet që dalin nga Bucha nuk janë “akt i rastësishëm i një njësie mashtruese”, por një “fushatë e qëllimshme për të vrarë, për të torturuar, për të përdhunuar, për të kryer mizori”, u tha gazetarëve Sekretari i Shtetit amerika, Antony Blinken.
Blinken po udhëton për në Bruksel për t’u takuar me ministra të tjerë të jashtëm të NATO-s dhe ministrat e jashtëm të G7.
“Ndërsa kjo valë ruse po largohet nga pjesë të Ukrainës, bota po sheh vdekjen dhe shkatërrimin e mbetur pas saj, dhe ne po shohim, në veçanti, tmerrin që ka mbetur pas në Bucha, diçka që po prek njerëzit në mbarë botën”, tha Blinken.
Imazhet “përforcojnë vendosmërinë tonë dhe vendosmërinë e vendeve anembanë botës për t’u siguruar që në një mënyrë apo në një tjetër, në një ditë apo në një tjetër, të ketë përgjegjësi për ata që kryen këto akte”.
Blinken tha se SHBA po punon me vendet e tjera për të “bashkuar provat” për të mbështetur hetimet e Ukrainës dhe të Këshillit të OKB-së për të Drejtat e Njeriut nëse Rusia ka kryer apo jo krime lufte./UBTNews/