Bisedimet mbi marrëveshjen e grurit të Detit të Zi, me çdo palë të përfshirë në marrëveshje, do të zhvillohen të mërkurën, sipas Reuters.
“Bisedimet janë planifikuar për nesër. Të gjitha palët … shpresojmë se do të ketë rezultate”, tha një burim i lartë ukrainas për Reuters.
Marrëveshja, e cila u ndërmjetësua me ndihmën e OKB-së dhe Turqisë, u nënshkrua nga Rusia dhe Ukraina vitin e kaluar për të lejuar dërgesat nga portet e Detit të Zi. Kjo marrëveshje do të skadojë më 18 maj, por Rusia ka sinjalizuar se nuk do të zgjasë nëse kërkesat e saj për eksport nuk plotësohen./UBTNews/