Negociatorët do të fillonin një raund të ri bisedimesh mbi programin bërthamor të Iranit në Vjenë të enjten, duke kërkuar të shpëtojnë marrëveshjen mbi ambiciet atomike të Teheranit.
Në një përpjekje të fundit, shefi i politikës së jashtme të BE-së, Josep Borrell, paraqiti një propozim kompromisi muajin e kaluar dhe u bëri thirrje palëve ta pranojnë atë për të shmangur një “krizë të rrezikshme bërthamore”.
Borrell tha se draft teksti përfshin “kompromise të fituara me vështirësi nga të gjitha palët” dhe “adreson, në detaje të sakta, heqjen e sanksioneve si dhe hapat bërthamorë të nevojshëm për të rivendosur” paktin e 2015-ës.
Britania, Kina, Franca, Gjermania, Irani, Rusia dhe Shtetet e Bashkuara nënshkruan JCPOA në korrik 2015. Delegacione nga të gjithë do të marrin pjesë në bisedimet e së enjtes, por zyrtarët nga SHBA dhe Irani nuk pritet të takohen ballë për ballë.
Marrëveshja synon të garantojë natyrën civile të programit bërthamor të Iranit në këmbim të një heqje graduale të sanksioneve.
Analistët ndërkohë thanë se ringjallja e JCPOA mbeti alternativa më e mirë./UBTNews/