BioNTech SE tha se vaksina kundër Covid-19 që ajo zhvilloi me Pfizer duhet të jetë afërsisht aq efektive kundër variantit të ri të koronavirusit që u shfaq për herë të parë në Indi, pasi është treguar të jetë efektive kundër variantit të Afrikës së Jugut.
Kompania tha në një deklaratë se shefi ekzekutiv, Ugur Sahin, u ndje i inkurajuar nga gjetjet e fundit në një letër shkencore bazuar në analizën e gjakut të individëve të vaksinuar, e cila tregoi se antitrupat e shkaktuar nga vaksina ishin në gjendje të neutralizonin variantin indian.
Meqenëse testet e gjakut në variantin që u zbulua për herë të parë në Afrikën e Jugut kishin treguar rezultate të ngjashme, të dhëna premtuese të botës reale mbi efektivitetin e vaksinës kundër variantit të Afrikës së Jugut prej rreth 75% e bën atë të besonte se efektiviteti i saj aktual kundër variantit indian “mund të jetë në të njëjtin interval”.
“Deri më tani kemi pasur mundësinë të provojmë vaksinën tonë ndaj më shumë se 30 variante të virusit. Ajo ka rezultuar efektive kundër mutacioneve deri më tani”, tha Sahin në një televizion turk./UBTNews
(Arjeta Ibishi, studente në Media dhe Komunikim në UBT)