Kandidati demokrat për zgjedhjet presidenciale, Joe Biden ka thënë se debati i dytë televiziv mes tij dhe presidenti Donald Trump nuk do të mund të zhvillohet, nëse Trump është ende i infektuar.
“Mendoj që nëse ai ende e ka COVID-in, nuk duhet të debatojmë”, tha Biden të marten.
“Mendoj se duhet t’i ndjekim udhëzimet e dhëna. Shumë njerëz po infektohen dhe ky është një problem serioz.”, deklaroi Biden.
Debati i dytë televiziv mes tyre është planifikuar më 15 tetor në Miami, Florida.
Trump rezultoi pozitiv më 1 tetor, por nuk dihet saktë se kur filluan simptomat e para. Ai duhet të qëndrojë në vetizolim për dhjetë ditë./UBTNews