Presidenti amerikan Joe Biden është larguar nga Roma, ku mori pjesë në samitin e G-20. Ndalesa e tij e radhës janë bisedimet botërore të klimës COP26 në Glasgoë, Skoci.
Mbi 130 krerë shtetesh do të dalin në podium të hënën dhe të martën në bisedimet vendimtare ndërkombëtare për klimën në Glasgoë dhe do të flasin për atë që vendi i tyre do të bëjë për kërcënimin e ngrohjes globale.
Emrat më të mëdhenj, duke përfshirë Joe Biden, kryeministrin e Mbretërisë së Bashkuar Boris Johnson, Narendra Modi i Indisë, Emmanuel Macron i Francës dhe Ibrahim Solih, presidenti i Maldiveve të goditura rëndë, do të ngjiten në skenë të hënën.
Ajo që do të vihet re janë një grusht mungesash të mëdha. Xi Jinping, presidenti i vendit më të lartë ndotës të karbonit, Kinës, dhe presidenti rus Vladimir Putin nuk do të jenë në Glasgoë. Presidenti turk Recep Tayyip Erdogan gjithashtu vendosi të mos udhëtojë në Glasgoë, tha të hënën agjencia shtetërore Anadolu, pa përmendur një arsye për ndryshimin e planeve.
Ish-sekretarja e klimës së OKB-së, Christiana Figueres tha për Associated Press se mungesa e liderit kinez nuk është një çështje e madhe – megjithëse Biden e qortoi Kinën gjatë fundjavës – sepse ai nuk po largohet nga vendi gjatë pandemisë dhe i dërguari i tij për klimën është një negociator veteran, raporton AP, transmeton Klankosova.tv.
Më shqetësuese janë disa kombe të vogla nga ishujt e Paqësorit që nuk ia dolën dot për shkak të kufizimeve dhe logjistikës së COVID-19. Ky është një problem i madh sepse zërat e tyre përcjellin urgjencën, tha Figueres.