Presidenti në largim i SHBA, Joe Biden do të marrë pjesë në inaugurimin e presidentit të ardhshëm të vendit, pavarësisht nga fituesi i zgjedhjeve javën e ardhshme, tha Shtëpia e Bardhë.
“Ky president beson në transferimin paqësor të pushtetit dhe kjo është ajo që do të shihni të bëjë këtë president,” tha zëdhënësja Karine Jean-Pierre në një konferencë shtypi.
Ceremonia e inaugurimit do të bëhet në janar të vitit të ardhshëm.
“Nuk ka të bëjë me të. Ka të bëjë me popullin amerikan. Kjo është ajo që populli amerikan duhet të shohë, pavarësisht se kush fiton,” shtoi ajo.
“Dhe kjo është pjesë e së drejtës për të marrë pjesë në inaugurim, për të qenë atje, ajo që bëhet rregullisht, një lloj procesi historik. Ai me siguri do të marrë pjesë në këtë,” shtoi Zhan-Pier.
Ish-presidenti Donald Trump anashkaloi inaugurimin e janarit 2021, duke sfiduar një traditë të gjatë.