Deputeti i Aleancës për Ardhmërinë e Kosovës, Bekë Berisha përmes një shkrimi në Facebook tha se janë bërë 106 orë që Policia e Kosovës në Jarinjë dhe Jashanicë po qëndrojnë pa ndërrim. Ai ka thënë se është duke i përcjellë me shqetësim zhvillimet në veri.
“Tani, sapo u bënë 106 orë që Policia e Kosovës në Jarinë dhe Jashanicë po qëndrojnë pa ndrrim. Duke përcjellur me shqetësim zhvillimet në Veriun e vendit tonë!”, shkruan Berisha.
Policia e Kosovës ka njoftuar se edhe sot situata e sigurisë në veri të vendit është e njëjtë. Dy pikat kufitare Jarinje dhe Bërnjak vazhdojnë të jenë të mbyllura, siç dihet për shkak të vendosjes së barrikadave nga grupet kriminale.
Policia thotë se barrikadimi dhe aktet e tjera kriminale kanë vështirësuar punën e institucioneve të sigurisë.