Bashkimi Evropian ka votuar për të mos vendosur një ndalim të përgjithshëm për vizat ruse, por ka rënë dakord të pezullojë marrëveshjen që lehtëson lëshimin e vizave.
Kjo sipas ministrit të jashtëm hungarez, Peter Szijjarto, i cili shkroi në një postim në Facebook se vendimi u mor në samitin e ministrave të jashtëm të BE-së në Pragë.
Szijjarto tha se Hungaria së bashku me disa vende të tjera anëtare kundërshtuan ndalimin e vizave ruse.
“Nuk do të ketë ndalim të përgjithshëm të vizave për qytetarët rusë. Disa shtete anëtare kanë ngritur zërin kundër kësaj, përfshirë edhe mua”, deklaroi ai.
Vendet lindore dhe nordike mbështesin fuqimisht ndalimin e vizave për rusët, ndërsa Gjermania dhe Franca paralajmëruan se kjo do të ishte kundërproduktive./UBTNews/